Yoga Treat

I love this feeling to the moon and back. Wänn Mänschä zämä chänd. Wänn Träum in Erfüllig gönd. Wemmer vor luuter Freud eifach nur strahlt. Ich bin hin und wäg vo dem Vormittag. 

Prepare

Da isch mal die Idee gsi. Ufere Dachterrasse Yoga zmache. So bini zumim Dihei chu. Irgedwänn isch dr Traum da gsi, das Gfühl mit anderne zteile. Yoga uf dr Dachterrasse mit Herzensmänschä. Mit dr ifühlsame Yogalehrerin, dr Hanne vu FlowFabrik. Mitm puurä Ässä vudr Fabienne mit Natural Always. Ich ha so Luscht druf ka und umso schöner, dass die zwei Fraue voll mitzogä händ. Zämä hämmer üse erschte Rooftop Yoga Treat ufgleist und schlussändlich isch alles eifach no viel schöner gsi, als ich mir je erträumt het. 

Da sind natürli au Zwifel derbi: Ja, chunt denn da überhaupt öper. Macht zWetter mit. Passt alles. Go with the flow. Hani mir immer wieder gseit. Und so isches dä au guet cho. Mit dr Fabienne gu ichaufe, dr ganz Nami vorbereitet, viel glernt - ich weiss, doch ez tatsächlich, wie mr Mandelmilch macht und es tolls Brot mit Zucchetti und Rüebli saftig macht (wänner das au wänd, checked natural-always.com ab). 

Surrender

Ich ha mir eifach gseit, es chunt wies muss. So hät sich alles gfüegt. Mir sind alli am 10i bi Sunneschii und warmä Temperature uf dr Dachterrasse zämächu. Es isch genau ufgange. Die ganz Terrasse isch usgfüllt gsi und jede hät sis Plätzli gfunde. DHanne hät üs abgholt inen wohl schönschte Yoga Flow, wonich je erläbt ha. Mit soviel Energie und good vibes. Immer wieder lueg ich an Himmel und verlür mi im Tüüfblau. Es agnähms Windli weht mr dur dHaar. Und da sind die erschte Sunnestrahle, wos übers Dach schaffed. Schined mir zmizt is Gsicht, dasses mich chüzled. What if we are just perfect as we are, right now. We do not have to transform or change. We do have everything within us. Just unfold and set yourself free. Die Message hät dHanne hinterlo. Und ich liebe ihri Messages. So authentisch und tüfgründig. Genau darum lieb ich ihres Yoga. It goes directly into your heart. Zfriede ligg ich idr Schlussentspannig. Lueg zur Fabienne und mir lächled üs zue. Zuglich chenti hülä vor Glügg. 

Zämä gstaltemer dDachterrasse vomene Yogastudio zumene Zmorgebuffet um. Mit soviel Geduld hilfed alli mit. Mit soviel Liebi bereitet dFabienne zEsse vor. Und alli sind so herzlich danggbar für all di selbergmachte Sache. Ich sitz da, lieb di puur Frischi vudem Saft, ds Aroma vodere Mandelmilch und dFluffigkeit vom Muffin. Schö, wiemer zämäsitzed, üs ustusched und eifach sind. Ich chent üch all umarme, die ganz Wält. Danggä!

Da mir so dr Moment gnossä händ, häts meh Schnappschüss geh - darum direkt uf Instagram zfinde, wemmer das ganzi bildlich wett gseh. Oder bimene nächschte Event drbi si.